Barcelona រំពឹង​ថា​នឹង​ប្រកាស​ពី​ជោគជ័យ​ក្នុង​ការ​បន្ត​កុងត្រា​ថ្មី​ជាមួយ​ Lionel Messi នៅ​ថ្ងៃ​ពុធ​នេះ។​

កំពូល​ខ្សែ​ប្រយុទ្ធ​សញ្ជាតិ​អាហ្សង់ទីន​បាន​ធ្វើ​ឲ្យ​អ្នក​គាំទ្រ​ Barcelona បុក​ពោះ​ជា​ច្រើន​ខែ​មក​ហើយ​ដោយ​សារ​ការ​ពន្យារ​ពេល​បន្ត​កុងត្រា​ថ្មី​ខណៈ​កុងត្រា​ចាស់​របស់​គេ​នៅ​សល់​មួយ​ឆ្នាំ​ទៀត​ប៉ុណ្ណោះ។ យ៉ាង​ណា​ក៏​ដោយ​ពេល​នេះ​ការ​ទន្ទឹង​រង់ចាំ​ជិត​ឈាន​ដល់​ទី​បំផុត​បន្ទាប់​ពី​ Messi ​ព្រមព្រៀង​ជាមួយ​ក្លឹប​យក្ស​របស់​អេស្ប៉ាញ។
Messi ដែល​ទើប​រៀបការ​កាល​ពី​ថ្ងៃ​សុក្រ​សប្ដាហ៍​មុន​នឹង​ទទួល​បាន​ថ្លៃ​ពលកម្ម​ ២៦,៤លាន​ផោន​ក្នុង​មួយ​រដូវ​កាល​ ស្មើ​នឹង​ ៥សែន​ផោន​ក្នុង​មួយ​អាទិត្យ​។ កុងត្រា​ថ្មី​នឹង​រក្សា​កីឡាករ​វ័យ​៣០​ឆ្នាំ​ ​ដល់​ឆ្នាំ​២០២២ ហើយ​ក៏​មាន​ជម្រើស​បន្ថែម​ពី​លើ​នោះ​១​ឆ្នាំ​ទៀត (Extra Year) បើ​សិន​ជា​ក្លឹប​ និង​សាមី​ខ្លួន​ត្រូវរ៉ូវ​គ្នា៕
 ប្រភព៖ Dailymail ប្រែ​សម្រួល៖ រុន វីរ៉ុត