លោកហៀងស៊ូហានសាស្ត្រាចារ្យនិងជាអ្នកគ្រប់គ្រងនៅវិទ្យាស្ថានស៊ីហ្គេកជាសាលាមួយដែលផ្តោតលើការបណ្ដុះបណ្ដាលមុខជំនាញ3DAnimationចាប់តាំងពីឆ្នាំ២០០៦បានលើកពីការសិក្សាជំនាញ3DAnimationដើម្បីសិស្សនិស្សិតទាំងអស់អាចសិក្សាស្វែងយល់។
Sabay៖តើជំនាញ3DAnimationគេសិក្សាយ៉ាងដូចម្ដេចហើយការសិក្សាមានរយៈពេលប៉ុន្មានឆ្នាំ?
សាស្ត្រាចារ្យ៖ជំនាញ3DAnimationគេសិក្សាផ្តោតសំខាន់ទៅលើការបង្កើតភាពយន្តគំនូរជីវចល3D,SpotCommercial,3DFilmជាដើម។ជំនាញនេះគេសិក្សាអំពីការគូសដែលមានការគូសជារូបតួអង្គ,គូសជាសាច់រឿង,ដាក់ពណ៌ដាក់ពន្លឺ,បច្ចេកទេសនៃការថត,បច្ចេកទេសនៃការបញ្ចូល3Dទៅក្នុងវីដេអូ,បច្ចេកទេសនៃការចងឆ្អឹងឲ្យតួអង្គ,តិចនិកនៃការធ្វើចលនាឲ្យតួអង្គរួមមានមុខវិជ្ជាជាច្រើនទៀតដែលត្រូវសិក្សា។ជំនាញ3DAnimationការសិក្សាអាចមានរយៈពេល១៨ខែ,២ឆ្នាំនិង៤ឆ្នាំ។
Sabay៖តើអ្វីជាសក្ដានុពលក្នុងការជ្រើសរើសជំនាញនេះសិក្សាបើប្រៀបធៀបមុខជំនាញដទៃទៀត?
សាស្ត្រាចារ្យ៖ជំនាញ3DAnimationជាជំនាញមួយដែលមានសក្ដានុពលណាស់នាពេលបច្ចុប្បន្នបើប្រៀបធៀបមុខជំនាញដទៃទៀតដែលមានសក្ដានុពលដូចគ្នាពីព្រោះអ្នកដែលមានជំនាញ3DAnimationអាចធ្វើការបានច្រើនមុខដូចជា៖បង្កើតគំនូរជីវចល,បង្កើតជាភាពយន្ត,បង្កើតស្ពតពាណិជ្ជកម្មរួមទាំងវិស័យជាច្រើនទៀតដែលទាក់ទងសិល្បៈកម្សាន្ត។
Sabay៖តើអាចមានបញ្ហាប្រឈមណាខ្លះសម្រាប់ការសិក្សាជំនាញនេះដែលអាចនាំឲ្យនិស្សិតបោះបង់ចោលការសិក្សាកណ្ដាលទី?
សាស្ត្រាចារ្យ៖ប្រាកដណាស់ការសិក្សាជំនាញអ្វីក៏ដោយក៏មានឧបសគ្គដែរ។យ៉ាងណាមិញការសិក្សាជំនាញ3DAnimationនេះក៏មិនខុសគ្នាដែរ។វាត្រូវការភាពអត់ធ្មត់ព្យាយាមនិងការអនុវត្តន៍ច្រើន។ឧទាហរណ៍ការសិក្សាមុខវិជ្ជាគូររូប,ដំឡើងរូបតួអង្គ,ចងឆ្អឹងនិងបង្កើតចលនាឲ្យតួអង្គសិក្សាត្រូវការភាពអត់ធ្មត់និងការអនុវត្តន៍ច្រើនជារៀងរាល់ថ្ងៃ។បើនិស្សិតគ្មានការព្យាយាមអត់ធ្មត់និងមានពេលអនុវត្តន៍ច្រើនទេមិនអាចសិក្សាបានល្អនិងអាចបោះចោលការសិក្សាកណ្ដាលទីជាមិនខាន។
Sabay៖តើនិស្សិតដែលជ្រើសរើសសិក្សាជំនាញ3DAnimationត្រូវមានការត្រៀមខ្លួននិងមានចំណេះដឹងមូលដ្ឋានអ្វីខ្លះ?
សាស្ត្រាចារ្យ៖ជាការពិតណាស់អ្នកចង់រៀនជំនាញនេះត្រូវមានឆន្ទៈស្រលាញ់និងការព្យាយាមនិងមានមូលដ្ឋានខ្លះៗខាងការគូររូបដែលវានឹងធ្វើឲ្យការសិក្សាមានដំណើរការល្អ។
Sabay៖ក្រៅពីស៊ីហ្គេកមានគ្រឹះស្ថានសិក្សាណាខ្លះទៀតដែលកំពុងបណ្ដុះបណ្ដាលជំនាញ3DAnimation?
សាស្ត្រាចារ្យ៖ក្រៅពីវិទ្យាស្ថានស៊ីហ្គេកនៅក្នុងប្រទេសយើងសព្វថ្ងៃមានគ្រឹះស្ថានមួយចំនួនដែរដែលកំពុងបណ្ដុះបណ្ដាលជំនាញ3DAnimationដល់សិស្សនិស្សិតដូចជាObjectif3D,Limkokwingតែគ្រឹះស្ថានជនជាតិខ្មែរបង្កើតមានតែវិទ្យាស្ថានស៊ីហ្គេកតែមួយគត់ដែលកំពុងបណ្ដុះបណ្ដាលជំនាញ3DAnimationនេះ។
Sabay៖តើសាស្រ្តាចារ្យអាចជួយបង្ហាញពីដំណើរការសិក្សាជំនាញ3DAnimationនៅស៊ីហ្គេក?
នៅសាលាស៊ីហ្គេកការសិក្សាឆ្នាំដំបូងគេផ្តោតសំខាន់លើការគូររូប,ដំឡើងរូបតួអង្គ,បំពាក់ពណ៌Textureឲ្យតួអង្គ។ចូលដល់ឆ្នាំទី២ចាប់ផ្ដើមសិក្សាពីការចងឆ្អឹង,សិក្សាពីមូលដ្ឋានគ្រឹះនៃការធ្វើចលនារូបភាពនិងម៉ូហ្សិន។ឆ្នាំទី៣និងទី៤សិក្សាពីតិចនិកនៃការធ្វើចលនាដាយណាមិច,វីហ្សូលអេហ្វិច,ម៉ូហ្សិនខាប់ឆើនិងធ្វើសារណាបញ្ចប់ការសិក្សា។
Sabay៖តើការរីកដុះដាលនៃវិស័យAnimationបានរួមចំណែកយ៉ាងណាខ្លះសម្រាប់ការសិក្សាជំនាញ3DAnimation?
សាស្ត្រាចារ្យ៖ការរីកដុះដាលនៃវិស័យAnimationបានរួមចំណែកយ៉ាងខ្លាំងដល់ការសិក្សាជំនាញAnimation។និស្សិតដែលចេះច្បាស់ជំនាញនេះប្រាកដណាស់នឹងមានឱកាសការងារខ្ពស់រួមទាំងប្រាក់ខែច្រើន។
Sabay៖តើលោកមើលឃើញបច្ចេកវិទ្យា3DAnimationចាប់ផ្ដើមរីកចម្រើននៅក្នុងប្រទេសកម្ពុជាចាប់ពីពេលណាហើយបច្ចុប្បន្នអាចប្រៀបធៀបប្រទេសក្នុងតំបន់និងពិភពលោកកម្រិតណាដែរ?
សាស្ត្រាចារ្យ៖បើតាមដែលខ្ញុំដឹងក្នុងប្រទេសកម្ពុជាយើងវិស័យAnimationចាប់ផ្ដើមរីកដុះដាលក្នុងឆ្នាំ២០០០។វាទទួលការចាប់អារម្មណ៍ខ្លាំងនាប៉ុន្មានឆ្នាំចុងក្រោយ។បច្ចេកវិទ្យាAnimationមានការប្រើប្រាស់យ៉ាងទូលំទូលាយស្ទើរគ្រប់វិស័យជាពិសេសលើវិស័យសិល្បៈកម្សាន្ត,ស្ពតពាណិជ្ជកម្ម,វិស័យភាពយន្ត,វិស័យគំនូរជីវចល។
ទោះជានៅក្នុងប្រទេសយើង3DAnimationកំពុងរីកដុះដាលប៉ុន្តែវាស្ថិតនៅដំំណាក់កាលសិក្សានៅឡើយ។វាត្រូវការពេលវេលាយូរទៀតដើម្បីធនធានប្រទេសយើងមានសមត្ថភាពនិងអាចប្រកួតប្រជែងជាមួយប្រទេសជិតខាងក្នុងតំបន់និងនៅលើពិភពលោក។
Sabay៖ចុងក្រោយលោកមានពាក្យពេចន៍អ្វីផ្ដាំផ្ញើដល់មិត្តនិស្សិតដែលកំពុងសិក្សានិងចង់ចាប់ជំនាញ3DAnimationសិក្សា?
សាស្ត្រាចារ្យ៖ជាចុងក្រោយខ្ញុំមានពាក្យពេចន៍ខ្លះៗសម្រាប់អ្នកដែលមានបំណងចង់សិក្សាជំនាញ3DAnimationសូមសម្រេចចិត្តឲ្យបានច្បាស់។3DAnimationជាជំនាញមួយដែលកំពុងមានទីផ្សារការងារខ្ពស់ហើយអនាគតពីភពលោកនឹងវិវឌ្ឍន៍ទៅរកការប្រើប្រាស់បច្ចេកវិទ្យាAnimationនេះ។
បញ្ជាក់៖អត្ថបទផ្សាយឡើងវិញ
ចុចអាន
- គ្រឹះស្ថានសិក្សា ៥ សម្រាប់អ្នកចង់រៀនជំនាញ 3D Animation
- 3D Animation ជំនាញបានចំណូលច្រើន ចង់ជោគជ័យលុះត្រាអត់ធ្មត់ខ្លាំង
អត្ថបទ៖ ប៊ុណ្ណារ៉ា
0 Comments
Post a Comment